Subscribe to our newsletter and get our newest updates

Wahab Danish

  • Ghazal


KHak ke putlon mein patthar ke badan ko wasta


ḳhaak ke putloñ meñ patthar ke badan ko vāstā
is sanam-ḳhāne meñ saarī umr mujh se hī paḌā

jab safar kī dhuup meñ murjhā ke ham do pal ruke
ek tanhā peḌ thā merī tarah jaltā huā

jañgaloñ meñ ghūmte phirte haiñ shahroñ ke faqīh
kyā daraḳhtoñ se bhī chhin jā.egā aalam vajd kā

narm-rau paanī meñ pahroñ TikTikī bāñdhe hue
ek chehra dekhtā thā boltā sā ā.īna

ye siyāhī ḳhuun meñ ik roz mil jā.egī jab
chaudhvīñ kā chāñd kamre meñ utar aa.e to kyā

KHak ke putlon mein patthar ke badan ko wasta
is sanam-KHane mein sari umr mujh se hi paDa

jab safar ki dhup mein murjha ke hum do pal ruke
ek tanha peD tha meri tarah jalta hua

jangalon mein ghumte phirte hain shahron ke faqih
kya daraKHton se bhi chhin jaega aalam wajd ka

narm-rau pani mein pahron TikTiki bandhe hue
ek chehra dekhta tha bolta sa aaina

ye siyahi KHun mein ek roz mil jaegi jab
chaudhwin ka chand kamre mein utar aae to kya


Leave a comment

+