Subscribe to our newsletter and get our newest updates

Yagana Changezi

  • Ghazal


daman-e-qatil jo uD uD kar hawa dene lage


dāman-e-qātil jo uḌ uḌ kar havā dene lage
kyā batā.ūñ zaḳhm-e-dil kyā kyā duā dene lage

vaa.e nākāmī kahāñ saffāk ne rokā hai haath
zaḳhm-hā-e-shauq jab kuchh kuchh mazā dene lage

chārasāzo mujh se rusvā jāñ-ba-lab bīmār ko
zahr denā chāhiye thā tum davā dene lage

yaas o hirmāñ āh-e-sozāñ ashk-e-ḳhūñ dāġh-e-junūñ
hazrat-e-ishq aur kyā is ke sivā dene lage

aaj ho shāyad kisī ko ātish-e-ġham kī ḳhabar
shukr hai ab ustuḳhvāñ bū-e-vafā dene lage

kyā muḳhālif ho ga.ī ham se zamāne kī havā
'yās' dekho hazrat-e-dil bhī daġhā dene lage

daman-e-qatil jo uD uD kar hawa dene lage
kya bataun zaKHm-e-dil kya kya dua dene lage

wae nakaami kahan saffak ne roka hai hath
zaKHm-ha-e-shauq jab kuchh kuchh maza dene lage

chaarasazo mujh se ruswa jaan-ba-lab bimar ko
zahr dena chahiye tha tum dawa dene lage

yas o hirman aah-e-sozan ashk-e-KHun dagh-e-junun
hazrat-e-ishq aur kya is ke siwa dene lage

aaj ho shayad kisi ko aatish-e-gham ki KHabar
shukr hai ab ustuKHwan bu-e-wafa dene lage

kya muKHalif ho gai hum se zamane ki hawa
'yas' dekho hazrat-e-dil bhi dagha dene lage


Pachas Sala Intekhab"

Leave a comment

+