Subscribe to our newsletter and get our newest updates

Obaidullah Aleem

  • Ghazal


KHayal-o-KHwab hui hain mohabbaten kaisi


ḳhayāl-o-ḳhvāb huī haiñ mohabbateñ kaisī
lahū meñ naach rahī haiñ ye vahshateñ kaisī

na shab ko chāñd hī achchhā na din ko mehr achchhā
ye ham pe biit rahī haiñ qayāmateñ kaisī

vo saath thā to ḳhudā bhī thā mehrbāñ kyā kyā
bichhaḌ gayā to huī haiñ adāvateñ kaisī

azaab jin kā tabassum savāb jin kī nigāh
khiñchī huī haiñ pas-e-jāñ ye sūrateñ kaisī

havā ke dosh pe rakkhe hue charāġh haiñ ham
jo bujh ga.e to havā se shikāyateñ kaisī

jo be-ḳhabar koī guzrā to ye sadā de dī
maiñ sañg-e-rāh huuñ mujh par ināyateñ kaisī

nahīñ ki husn hī nairañgiyoñ meñ taaq nahīñ
junūñ bhī khel rahā hai siyāsateñ kaisī

na sāhbān-e-junūñ haiñ na ahl-e-kashf-o-kamāl
hamāre ahd meñ aa.iiñ kasāfateñ kaisī

jo abr hai vahī ab sañg-o-ḳhisht laatā hai
fazā ye ho to diloñ meñ nazākateñ kaisī

ye daur-e-be-hunarāñ hai bachā rakho ḳhud ko
yahāñ sadāqateñ kaisī karāmateñ kaisī

KHayal-o-KHwab hui hain mohabbaten kaisi
lahu mein nach rahi hain ye wahshaten kaisi

na shab ko chand hi achchha na din ko mehr achchha
ye hum pe bit rahi hain qayamaten kaisi

wo sath tha to KHuda bhi tha mehrban kya kya
bichhaD gaya to hui hain adawaten kaisi

azab jin ka tabassum sawab jin ki nigah
khinchi hui hain pas-e-jaan ye suraten kaisi

hawa ke dosh pe rakkhe hue charagh hain hum
jo bujh gae to hawa se shikayaten kaisi

jo be-KHabar koi guzra to ye sada de di
main sang-e-rah hun mujh par inayaten kaisi

nahin ki husn hi nairangiyon mein taq nahin
junun bhi khel raha hai siyasaten kaisi

na sahban-e-junun hain na ahl-e-kashf-o-kamal
hamare ahd mein aain kasafaten kaisi

jo abr hai wahi ab sang-o-KHisht lata hai
faza ye ho to dilon mein nazakaten kaisi

ye daur-e-be-hunaran hai bacha rakho KHud ko
yahan sadaqaten kaisi karamaten kaisi

Videos
This video is playing from YouTube Videos
This video is playing from YouTube Obaidullah Aleem Runa Laila

Source: Book : Khushk Tahni Zard Pattay (Pg. 18) Author : Yousuf Taqi Publication : Yousuf Taqi (2003) Edition : 2003

Leave a comment

+