vo log hī har daur meñ mahbūb rahe haiñ
jo ishq meñ tālib nahīñ matlūb rahe haiñ

tūfān kī āvāz to aatī nahīñ lekin
lagtā hai safīne se kahīñ Duub rahe haiñ

un ko na pukāro ġham-e-daurāñ ke laqab se
jo dard kisī naam se mansūb rahe haiñ

ham bhī tirī sūrat ke parastār haiñ lekin
kuchh aur bhī chehre hameñ marġhūb rahe haiñ

alfāz meñ iz.hār-e-mohabbat ke tarīqe
ḳhud ishq kī nazroñ meñ bhī māyūb rahe haiñ

is ahd-e-basīrat meñ bhī naqqād hamāre
har ek baḌe naam se mar.ūb rahe haiñ

itnā bhī na ghabrāo na.ī tarz-e-adā se
har daur meñ badle hue uslūb rahe haiñ

wo log hi har daur mein mahbub rahe hain
jo ishq mein talib nahin matlub rahe hain

tufan ki aawaz to aati nahin lekin
lagta hai safine se kahin Dub rahe hain

un ko na pukaro gham-e-dauran ke laqab se
jo dard kisi nam se mansub rahe hain

hum bhi teri surat ke parastar hain lekin
kuchh aur bhi chehre hamein marghub rahe hain

alfaz mein izhaar-e-mohabbat ke tariqe
KHud ishq ki nazron mein bhi mayub rahe hain

is ahd-e-basirat mein bhi naqqad hamare
har ek baDe nam se marub rahe hain

itna bhi na ghabrao nai tarz-e-ada se
har daur mein badle hue uslub rahe hain

RECITATIONS Nomaan Shauque



00:00/00:00 wo log hi har daur mein mahbub rahe hain Nomaan Shauque