Subscribe to our newsletter and get our newest updates

Hafeez Hoshiarpuri

  • Ghazal


tamam umr tera intizar humne kiya


tamām umr tirā intizār ham ne kiyā
is intizār meñ kis kis se pyaar ham ne kiyā

talāsh-e-dost ko ik umr chāhiye ai dost
ki ek umr tirā intizār ham ne kiyā

tere ḳhayāl meñ dil shādmāñ rahā barsoñ
tire huzūr use sogvār ham ne kiyā

ye tishnagī hai ke un se qarīb rah kar bhī
'hafīz' yaad unheñ baar baar ham ne kiyā

tamam umr tera intizar hum ne kiya
is intizar mein kis kis se pyar hum ne kiya

talash-e-dost ko ek umr chahiye ai dost
ki ek umr tera intizar hum ne kiya

tere KHayal mein dil shadman raha barson
tere huzur use sogwar hum ne kiya

ye tishnagi hai ke un se qarib rah kar bhi
'hafiz' yaad unhen bar bar hum ne kiya

Videos
This video is playing from YouTube Videos
This video is playing from YouTube Ghulam Ali

Pachas Sala Intekhab"

Leave a comment

+