ġhuncha-e-dil mirā khā kar gul-e-ḳhandāñ merā
bū-e-gul sā hai uḌātā mujhe jānāñ merā

apnī garmī se barishta huā husn-e-ruḳh-e-yār
lāla-rañg ātish-e-gul se hai gulistāñ merā

kabhū guzrā thā koī ābla-pā dekh vafā
rove ab lag hai lahū ḳhār-e-bayābāñ merā

ishq ḳhurshīd-ruḳhoñ se jo kiyā maiñ ne junūñ
daaġh juuñ sub.h huā chāk-e-garebāñ merā

kīmiyā husn kī hai muñh to zarā us ko lagā
jām-e-mai se bhī gayā kyā dil-e-giryāñ merā

chor kar dil ko ināyat kiyā sañgīñ dushnām
shīshe ko toḌ ke patthar diyā tāvāñ merā

qatl-e-'uzlat' se na munkir ho ki gul ke mānind
lab pe hañstā hai tire ḳhūn-e-numāyāñ merā

ghuncha-e-dil mera kha kar gul-e-KHandan mera
bu-e-gul sa hai uData mujhe jaanan mera

apni garmi se barishta hua husn-e-ruKH-e-yar
lala-rang aatish-e-gul se hai gulistan mera

kabhu guzra tha koi aabla-pa dekh wafa
rowe ab lag hai lahu KHar-e-bayaban mera

ishq KHurshid-ruKHon se jo kiya main ne junun
dagh jun subh hua chaak-e-gareban mera

kimiya husn ki hai munh to zara us ko laga
jam-e-mai se bhi gaya kya dil-e-giryan mera

chor kar dil ko inayat kiya sangin dushnam
shishe ko toD ke patthar diya tawan mera

qatl-e-'uzlat' se na munkir ho ki gul ke manind
lab pe hansta hai tere KHun-e-numayan mera

Source: Funoon(Jadeed Ghazal Number: Volume-002)