mohabbat ho ga.ī jis ko use ab dekhnā kyā hai
bhalā kyā hai burā kyā hai sazā kyā hai jazā kyā hai

zarā tum sāmne aao nazar ham se to Takrāv
kise phir hosh ho tum ne kahā kyā hai sunā kyā hai

mohabbat jurm aisā hai ki mujrim hai khaḌā be-sudh
kiyā kyā hai gunah kyā hai sazā kyā hai ḳhatā kyā hai

na aanā ishq ke bāzār meñ andhī tijārat hai
diyā kyā hai liyā kyā hai bikā kyā hai bachā kyā hai

zamāna jhuum uTThā hai sadā-e-dād aatī hai
na jaane aaj 'māham' ne ġhazal meñ kah diyā kyā hai

mohabbat ho gai jis ko use ab dekhna kya hai
bhala kya hai bura kya hai saza kya hai jaza kya hai

zara tum samne aao nazar hum se to Takraw
kise phir hosh ho tum ne kaha kya hai suna kya hai

mohabbat jurm aisa hai ki mujrim hai khaDa be-sudh
kiya kya hai gunah kya hai saza kya hai KHata kya hai

na aana ishq ke bazar mein andhi tijarat hai
diya kya hai liya kya hai bika kya hai bacha kya hai

zamana jhum uTTha hai sada-e-dad aati hai
na jaane aaj 'maham' ne ghazal mein kah diya kya hai