Subscribe to our newsletter and get our newest updates

Ejaz Gul

  • Ghazal


kabhi qatar se bahar kabhi qatar ke bich


kabhī qatār se bāhar kabhī qatār ke biich
maiñ hijr-zād huā ḳharch intizār ke biich

banā huā hai ta.alluq sā ustuvārī kā
mire tavāf se is mehvar o madār ke biich

ki aatā jaatā rahe aks-e-hairatī is meñ
bichhā diyā gayā ā.īna ār-pār ke biich

havā ke khel meñ shirkat ke vāste mujh ko
ḳhizāñ ne shāḳh se pheñkā hai rahguzār ke biich

ye maiñ huuñ tū hai hayūlā hai har musāfir kā
jo miT rahā hai thakan se udhar ġhubār ke biich

koī lakīr sī paanī kī jhilmilātī hai
kabhī kabhī mire matrūk ābshār ke biich

maiñ umr ko to mujhe umr khīñchtī hai ulaT
tazād samt kā hai asp aur savār ke biich

kabhi qatar se bahar kabhi qatar ke bich
main hijr-zad hua KHarch intizar ke bich

bana hua hai talluq sa ustuwari ka
mere tawaf se is mehwar o madar ke bich

ki aata jata rahe aks-e-hairati is mein
bichha diya gaya aaina aar-par ke bich

hawa ke khel mein shirkat ke waste mujh ko
KHizan ne shaKH se phenka hai rahguzar ke bich

ye main hun tu hai hayula hai har musafir ka
jo miT raha hai thakan se udhar ghubar ke bich

koi lakir si pani ki jhilmilati hai
kabhi kabhi mere matruk aabshaar ke bich

main umr ko to mujhe umr khinchti hai ulaT
tazad samt ka hai asp aur sawar ke bich


Source: Book : Roshan Waraq Waraq (Pg. 15) Author : Zaheer Siddiqui Edition : 2009

Leave a comment

+