Subscribe to our newsletter and get our newest updates

P P Srivastava Rind

  • Ghazal


be-talluq ruh ka jab jism se rishta hua


be-ta.alluq ruuh kā jab jism se rishta huā
ghar meñ lā-vāris pas-e-manzar kā sannāTā huā

dhuup lahje meñ nokīlāpan kahāñ se lā.egī
ham ne dekhā hai shafaq-sūraj abhī bujhtā huā

chāhtā hai dil kisī se raaz kī bāteñ kare
phuul aadhī raat kā āñgan meñ hai mahkā huā

surḳh mausam kī kahānī to purānī ho ga.ī
khul gayā mausam to saare shahr meñ charchā huā

āsmāñ zahrāb-manzar gum-shuda bezāriyāñ
lams tanhā.ī kā lagtā hai mujhe Dastā huā

har taraf rotī huī ḳhāmoshiyoñ kā shor hai
dekhnā ye merī bastī meñ achānak kyā huā

jism merā jāgtā hai donoñ āñkheñ band haiñ
aur sannāTā hai merī ruuh tak utrā huā

āfiyat gar chāhte ho 'riñd' vāpas ghar chalo
ab tamāshā-gāh kā manzar hai kuchh bigḌā huā

be-talluq ruh ka jab jism se rishta hua
ghar mein la-waris pas-e-manzar ka sannaTa hua

dhup lahje mein nokilapan kahan se laegi
hum ne dekha hai shafaq-suraj abhi bujhta hua

chahta hai dil kisi se raaz ki baaten kare
phul aadhi raat ka aangan mein hai mahka hua

surKH mausam ki kahani to purani ho gai
khul gaya mausam to sare shahr mein charcha hua

aasman zahrab-manzar gum-shuda bezariyan
lams tanhai ka lagta hai mujhe Dasta hua

har taraf roti hui KHamoshiyon ka shor hai
dekhna ye meri basti mein achanak kya hua

jism mera jagta hai donon aankhen band hain
aur sannaTa hai meri ruh tak utra hua

aafiyat gar chahte ho 'rind' wapas ghar chalo
ab tamasha-gah ka manzar hai kuchh bigDa hua

Videos
This video is playing from YouTube Videos
This video is playing from YouTube P P Srivastava Rind RECITATIONS P P Srivastava Rind



00:00/00:00 be-talluq ruh ka jab jism se rishta hua P P Srivastava Rind

Pachas Sala Intekhab"

Leave a comment

+