Subscribe to our newsletter and get our newest updates

Ejaz Gul

  • Ghazal


ye ghumta hua aaina apna Thahra ke


ye ghūmtā huā ā.īna apnā Thahrā ke
zarā dikhā mirā rafta tū charḳh palTā ke

hai kā.enāt muamma judā tarīqe kā
faqat sulajhtā hai aapas meñ girheñ uljhā ke

natīja ek sā niklā dimāġh aur dil kā
ki donoñ haar ga.e imtihāñ meñ duniyā ke

musāfiroñ se rahā hai vo rāstā ābād
palaT ke aa.e nahīñ jis se pesh-rau jā ke

ye hijr-zād samajhtā hai kam visāl kī baat
batā jo ramz-o-kināya haiñ ḳhuub phailā ke

ki band rahtā hai shahr-e-talab kā darvāza
yaqīn aayā mujhe baar baar jā aa ke

ḳhafīf ho ke maiñ chehre ko pher letā huuñ
agar guzartā hai tujh āshnā sā katrā ke

javāb merā ġhalat thā savāl us kā durust
khulā ye mujh pe kisī nā-samajh ko samjhā ke

ye ghumta hua aaina apna Thahra ke
zara dikha mera rafta tu charKH palTa ke

hai kaenat muamma juda tariqe ka
faqat sulajhta hai aapas mein girhen uljha ke

natija ek sa nikla dimagh aur dil ka
ki donon haar gae imtihan mein duniya ke

musafiron se raha hai wo rasta aabaad
palaT ke aae nahin jis se pesh-rau ja ke

ye hijr-zad samajhta hai kam visal ki baat
bata jo ramz-o-kinaya hain KHub phaila ke

ki band rahta hai shahr-e-talab ka darwaza
yaqin aaya mujhe bar bar ja aa ke

KHafif ho ke main chehre ko pher leta hun
agar guzarta hai tujh aashna sa katra ke

jawab mera ghalat tha sawal us ka durust
khula ye mujh pe kisi na-samajh ko samjha ke


Leave a comment

+