ik qatre ko dariyā samjhā maiñ bhī kaisā pāgal huuñ
har sapne ko sachchā samjhā maiñ bhī kaisā pāgal huuñ
beach diloñ ke vo duurī thī tai karnā āsān na thā
āñkhoñ ko ik rasta samjhā maiñ bhī kaisā pāgal huuñ
baḌā kiyā thā pāl-pos kar phir bhī ik din bichhaḌ ga.e
ḳhvāboñ ko ik bachcha samjhā maiñ bhī kaisā pāgal huuñ
kāñTe sī ḳhud merī shohrat har-pal dil meñ chubhtī hai
fan ko khel-tamāshā samjhā maiñ bhī kaisā pāgal huuñ
tan par to ujle kapḌe the lekin man ke kaale the
un logoñ ko achchhā samjhā maiñ bhī kaisā pāgal huuñ
ek qatre ko dariya samjha main bhi kaisa pagal hun
har sapne ko sachcha samjha main bhi kaisa pagal hun
beach dilon ke wo duri thi tai karna aasan na tha
aankhon ko ek rasta samjha main bhi kaisa pagal hun
baDa kiya tha pal-pos kar phir bhi ek din bichhaD gae
KHwabon ko ek bachcha samjha main bhi kaisa pagal hun
kanTe si KHud meri shohrat har-pal dil mein chubhti hai
fan ko khel-tamasha samjha main bhi kaisa pagal hun
tan par to ujle kapDe the lekin man ke kale the
un logon ko achchha samjha main bhi kaisa pagal hun
Pachas Sala Intekhab"
Leave a comment