tum bhī jashn-e-bahār kar dekho
ḳhud ko phir sogvār kar dekho

jaane vaale kabhī nahīñ aate
chāho to intizār kar dekho

hijr kā vaqt kāTnā mushkil
tum sitāre shumār kar dekho

terī āñkhoñ meñ merī sūrat hai
naqlī chehra utaar kar dekho

ham ne ek umr haar maanī hai
ab ke tum bhī to haar kar dekho

dard 'shākir' bas aise samjhoge
hasrateñ apnī maar kar dekho

tum bhi jashn-e-bahaar kar dekho
KHud ko phir sogwar kar dekho

jaane wale kabhi nahin aate
chaho to intizar kar dekho

hijr ka waqt kaTna mushkil
tum sitare shumar kar dekho

teri aankhon mein meri surat hai
naqli chehra utar kar dekho

hum ne ek umr haar mani hai
ab ke tum bhi to haar kar dekho

dard 'shakir' bas aise samjhoge
hasraten apni mar kar dekho