ham burā karte yā bhalā karte
soch kar koī faisla karte

tum ta.alluq kā paas to rakhte
ḳhush na karte hameñ ḳhafā karte

dosto kaash dukh ke lamhoñ meñ
tum davā karte ham duā karte

kar dī dushvār rahguzār-e-zīst
aur kyā kaam rahnumā karte

rakhte rishtoñ meñ yuuñ tavāzun ham
kuchh vafā karte kuchh jafā karte

sar uThāte qubūliyat ke ba.ad
sajda-e-shauq yuuñ adā karte

baat thī jab ki but-kade meñ 'obaid'
baiTh kar tum ḳhudā ḳhudā karte

hum bura karte ya bhala karte
soch kar koi faisla karte

tum talluq ka pas to rakhte
KHush na karte hamein KHafa karte

dosto kash dukh ke lamhon mein
tum dawa karte hum dua karte

kar di dushwar rahguzar-e-zist
aur kya kaam rahnuma karte

rakhte rishton mein yun tawazun hum
kuchh wafa karte kuchh jafa karte

sar uThate qubuliyat ke baad
sajda-e-shauq yun ada karte

baat thi jab ki but-kade mein 'obaid'
baiTh kar tum KHuda KHuda karte

Source: Book : Mahr-e-Do neem (Pg. 59) Author : iftikhaar aarif