ḳhushī milī to ye aalam thā bad-havāsī kā
ki dhyān hī na rahā ġham kī be-libāsī kā
chamak uThe haiñ jo dil ke kalas yahāñ se abhī
guzar huā hai ḳhayāloñ kī dev-dāsī kā
guzar na jā yūñhī ruḳh pher kar salām to le
hameñ to der se daavā hai rū-shanāsī kā
ḳhudā ko maan ki tujh lab ke chūmne ke sivā
koī ilaaj nahīñ aaj kī udāsī kā
gire paḌe hue pattoñ meñ shahr DhūñDtā hai
ajiib taur hai is jañgaloñ ke baasī kā
KHushi mili to ye aalam tha bad-hawasi ka
ki dhyan hi na raha gham ki be-libasi ka
chamak uThe hain jo dil ke kalas yahan se abhi
guzar hua hai KHayalon ki dew-dasi ka
guzar na ja yunhi ruKH pher kar salam to le
hamein to der se dawa hai ru-shanasi ka
KHuda ko man ki tujh lab ke chumne ke siwa
koi ilaj nahin aaj ki udasi ka
gire paDe hue patton mein shahr DhunDta hai
ajib taur hai is jangalon ke basi ka
RECITATIONS
Nomaan Shauque
00:00/00:00
KHushi mili to ye aalam tha bad-hawasi ka
Nomaan Shauque
Leave a comment