Subscribe to our newsletter and get our newest updates

Ghazal Ansari

  • Ghazal


bhulana hai bahut mushkil magar phir bhi bhulana hai


bhulānā hai bahut mushkil magar phir bhī bhulānā hai
tirī yādoñ ko dil se ab to har sūrat miTānā hai

bahut rusvā.iyāñ sah leñ dil-e-barbād kī ḳhātir
magar ulfat panap saktī nahīñ aisā zamāna hai

mirā dāman pakaḌ letī haiñ vo ma.asūm sī yādeñ
mire jīvan meñ terī yaad hī vāhid ḳhazāna hai

tū āñkhoñ meñ tū yādoñ meñ tū har dam mere ḳhvāboñ meñ
khule jab aañkh to har sū vahī manzar purānā hai

milā.e ishq jo rab se 'ġhazal' hai ishq vo sachchā
ḳhudā se lau lagā le phir nahīñ kuchh yaad aanā hai

bhulana hai bahut mushkil magar phir bhi bhulana hai
teri yaadon ko dil se ab to har surat miTana hai

bahut ruswaiyan sah len dil-e-barbaad ki KHatir
magar ulfat panap sakti nahin aisa zamana hai

mera daman pakaD leti hain wo masum si yaaden
mere jiwan mein teri yaad hi wahid KHazana hai

tu aankhon mein tu yaadon mein tu har dam mere KHwabon mein
khule jab aankh to har su wahi manzar purana hai

milae ishq jo rab se 'ghazal' hai ishq wo sachcha
KHuda se lau laga le phir nahin kuchh yaad aana hai


Source: Rooh-e-Ghazal,Pachas Sala Intekhab

Leave a comment

+