Subscribe to our newsletter and get our newest updates

Bahadur Shah Zafar

  • Ghazal


galiyan tanKHwah Thahri hai agar baT jaegi


gāliyāñ tanḳhvāh Thahrī hai agar baT jā.egī
āshiqoñ ke ghar miThā.ī lab shakar baT jā.egī

rū-ba-rū gar hogā yūsuf aur tū aa jā.egā
us kī jānib se zuleḳhā kī nazar baT jā.egī

rahzanoñ meñ nāz-o-ġhamza kī ye jins-e-dīn-o-dil
juuñ matā-e-burda āḳhir ham-digar baT jā.egī

hogā kyā gar bol uTThe ġhair bātoñ meñ mirī
phir tabī.at merī ai bedād gar baT jā.egī

daulat-e-duniyā nahīñ jaane kī hargiz tere saath
baad tere sab yahīñ ai be-ḳhabar baT jā.egī

kar le ai dil jaan ko bhī ranj-o-ġham meñ tū sharīk
ye jo mehnat tujh pe hai kuchh kuchh magar baT jā.egī

muuñg chhātī pe jo dalte haiñ kisī kī dekhnā
jūtiyoñ meñ daal un kī ai 'zafar' baT jā.egī

galiyan tanKHwah Thahri hai agar baT jaegi
aashiqon ke ghar miThai lab shakar baT jaegi

ru-ba-ru gar hoga yusuf aur tu aa jaega
us ki jaanib se zuleKHa ki nazar baT jaegi

rahzanon mein naz-o-ghamza ki ye jins-e-din-o-dil
jun mata-e-burda aaKHir ham-digar baT jaegi

hoga kya gar bol uTThe ghair baaton mein meri
phir tabiat meri ai bedad gar baT jaegi

daulat-e-duniya nahin jaane ki hargiz tere sath
baad tere sab yahin ai be-KHabar baT jaegi

kar le ai dil jaan ko bhi ranj-o-gham mein tu sharik
ye jo mehnat tujh pe hai kuchh kuchh magar baT jaegi

mung chhati pe jo dalte hain kisi ki dekhna
jutiyon mein dal un ki ai 'zafar' baT jaegi

RECITATIONS Nomaan Shauque



00:00/00:00 galiyan tanKHwah Thahri hai agar baT jaegi Nomaan Shauque

Source: Book : Nawa-e-harf-e-khamoosh (Pg. 138) Author : Zafar Kaleem Publication : Zafar Kaleem (2007) Edition : 2007

Leave a comment

+