Subscribe to our newsletter and get our newest updates

Baqar Mehdi

  • Ghazal


ab KHanuman-KHarab ki manzil yahan nahin


ab ḳhānumāñ-ḳharāb kī manzil yahāñ nahīñ
kahne ko āshiyāñ hai magar āshiyāñ nahīñ

ishq-e-sitam-navāz kī duniyā badal ga.ī
husn-e-vafā-shanās bhī kuchh bad-gumāñ nahīñ

mere sanam-kade meñ ka.ī aur but bhī haiñ
ik merī zindagī ke tumhīñ rāz-dāñ nahīñ

tum se bichhaḌ ke mujh ko sahārā to mil gayā
ye aur baat hai ki maiñ kuchh shādmāñ nahīñ

apne hasīn ḳhvāb kī tābīr ḳhud kare
itnā to mo'tabar ye dil-e-nā-tavāñ nahīñ

zulf-e-darāz qissa-e-ġham meñ ulajh na jaa.e
andeshā-hā-e-ishq kahāñ haiñ kahāñ nahīñ

har har qadam pe kitne sitāre bikhar ga.e
lekin rah-e-hayāt abhī kahkashāñ nahīñ

sailāb-e-zindagī ke sahāre baḌhe chalo
sāhil pe rahne vāloñ kā nām-o-nishāñ nahīñ

ab KHanuman-KHarab ki manzil yahan nahin
kahne ko aashiyan hai magar aashiyan nahin

ishq-e-sitam-nawaz ki duniya badal gai
husn-e-wafa-shanas bhi kuchh bad-guman nahin

mere sanam-kade mein kai aur but bhi hain
ek meri zindagi ke tumhin raaz-dan nahin

tum se bichhaD ke mujh ko sahaara to mil gaya
ye aur baat hai ki main kuchh shadman nahin

apne hasin KHwab ki tabir KHud kare
itna to mo'tabar ye dil-e-na-tawan nahin

zulf-e-daraaz qissa-e-gham mein ulajh na jae
andesha-ha-e-ishq kahan hain kahan nahin

har har qadam pe kitne sitare bikhar gae
lekin rah-e-hayat abhi kahkashan nahin

sailab-e-zindagi ke sahaare baDhe chalo
sahil pe rahne walon ka nam-o-nishan nahin

RECITATIONS Nomaan Shauque



00:00/00:00 ab KHanuman-KHarab ki manzil yahan nahin Nomaan Shauque

Leave a comment

+