Warning: session_start(): open(/tmp/sess_1vpji1mn0pu7u5816g2usl87d5, O_RDWR) failed: No space left on device (28) in /razi/eraazi/darbari/chunmun/index.php on line 15
raaz-e-ishq izhaar ke qabil nahin

Subscribe to our newsletter and get our newest updates

Jaleel Manikpuri

  • Ghazal


raaz-e-ishq izhaar ke qabil nahin


rāz-e-ishq iz.hār ke qābil nahīñ
jurm ye iqrār ke qābil nahīñ

aañkh par ḳhuuñ shaq jigar dil dāġhdār
koī nazr-e-yār ke qābil nahīñ

diid ke qābil hasīñ to haiñ bahut
har nazar dīdār ke qābil nahīñ

de rahe haiñ mai vo apne haath se
ab ye shai inkār ke qābil nahīñ

jaan dene kī ijāzat dījiye
sar mirā sarkār ke qābil nahīñ

chhoḌ bhī gulshan ko ai nargis kahīñ
ye havā bīmār ke qābil nahīñ

shā.erī ko tab-e-rañgīñ chāhiye
har zamīñ gulzār ke qābil nahīñ

ḳhāmushī merī ye kahtī hai 'jalīl'
dard-e-dil iz.hār ke qābil nahīñ

raaz-e-ishq izhaar ke qabil nahin
jurm ye iqrar ke qabil nahin

aankh par KHun shaq jigar dil daghdar
koi nazr-e-yar ke qabil nahin

did ke qabil hasin to hain bahut
har nazar didar ke qabil nahin

de rahe hain mai wo apne hath se
ab ye shai inkar ke qabil nahin

jaan dene ki ijazat dijiye
sar mera sarkar ke qabil nahin

chhoD bhi gulshan ko ai nargis kahin
ye hawa bimar ke qabil nahin

shaeri ko tab-e-rangin chahiye
har zamin gulzar ke qabil nahin

KHamushi meri ye kahti hai 'jalil'
dard-e-dil izhaar ke qabil nahin


Source: Deewan-e-Waleeullah Muhib

Leave a comment

+