Subscribe to our newsletter and get our newest updates

Hafeez Hoshiarpuri

  • Ghazal


kuchh is tarah se nazar se guzar gaya koi


kuchh is tarah se nazar se guzar gayā koī
ki dil ko ġham kā sazā-vār kar gayā koī

dil-e-sitam-zada ko jaise kuchh huā hī nahīñ
ḳhud apne husn se yuuñ be-ḳhabar gayā koī

vo ek jalva-e-sad-rang ik hujūm-e-bahār
na jaane kaun thā jaane kidhar gayā koī

nazar ki tishna-e-dīdār thī rahī mahrūm
nazar uThā.ī to dil meñ utar gayā koī

nigāh-e-shauq kī mahrūmiyoñ se nā-vāqif
nigāh-e-shauq pe ilzām dhar gayā koī

ab un ke husn meñ husn-e-nazar bhī shāmil hai
kuchh aur merī nazar se sañvar gayā koī

kisī ke paañv kī aahaT ki dil kī dhaḌkan thī
hazār baar uThā sū-e-dar gayā koī

nasīb-e-ahl-e-vafā ye sukūn-e-dil to na thā
zarūr nāla-e-dil be-asar gayā koī

uThā phir aaj mire dil meñ rashk kā tūfāñ
phir un kī raah se bā-chashm-e-tar gayā koī

ye kah ke yaad kareñge 'hafīz' dost mujhe
vafā kī rasm ko pā.inda kar gayā koī

kuchh is tarah se nazar se guzar gaya koi
ki dil ko gham ka saza-war kar gaya koi

dil-e-sitam-zada ko jaise kuchh hua hi nahin
KHud apne husn se yun be-KHabar gaya koi

wo ek jalwa-e-sad-rang ek hujum-e-bahaar
na jaane kaun tha jaane kidhar gaya koi

nazar ki tishna-e-didar thi rahi mahrum
nazar uThai to dil mein utar gaya koi

nigah-e-shauq ki mahrumiyon se na-waqif
nigah-e-shauq pe ilzam dhar gaya koi

ab un ke husn mein husn-e-nazar bhi shamil hai
kuchh aur meri nazar se sanwar gaya koi

kisi ke panw ki aahaT ki dil ki dhaDkan thi
hazar bar uTha su-e-dar gaya koi

nasib-e-ahl-e-wafa ye sukun-e-dil to na tha
zarur nala-e-dil be-asar gaya koi

uTha phir aaj mere dil mein rashk ka tufan
phir un ki rah se ba-chashm-e-tar gaya koi

ye kah ke yaad karenge 'hafiz' dost mujhe
wafa ki rasm ko painda kar gaya koi


Leave a comment

+