Warning: session_start(): open(/tmp/sess_lg9pn81qvvc8s82uqeej7o4l81, O_RDWR) failed: No space left on device (28) in /razi/eraazi/darbari/chunmun/index.php on line 15
pesh-tar jumbish-e-lab baat se pahle kya tha

Subscribe to our newsletter and get our newest updates

Ejaz Gul

  • Ghazal


pesh-tar jumbish-e-lab baat se pahle kya tha


pesh-tar jumbish-e-lab baat se pahle kyā thā
zehn meñ sifr kī auqāt se pahle kyā thā

vaslat o hijrat-e-ushshāq meñ kyā thā avval
nafī thī ba.ad to isbāt se pahle kyā thā

koī gardish thī ki sākit the zamīn o ḳhurshīd
gumbad-e-vaqt meñ din raat se pahle kyā thā

maiñ agar pahlā tamāshā thā tamāshā-gah meñ
mashġhala us kā mirī zaat se pahle kyā thā

kuchh vasīla to rahā hogā shikam-serī kā
rizq-e-ḳhufta ki nabātāt se pahle kyā thā

maiñ agar ādam-e-sānī huuñ to virsa hai kahāñ
zarf-e-ajdād meñ amvāt se pahle kyā thā

har mulāqāt kā anjām judā.ī thā agar
phir ye hañgāma mulāqāt se pahle kyā thā

maiñ bhī maġhlūb thā hājāt kī kasrat se magar
lutf us ko bhī munājāt se pahle kyā thā

pesh-tar jumbish-e-lab baat se pahle kya tha
zehn mein sifr ki auqat se pahle kya tha

waslat o hijrat-e-ushshaq mein kya tha awwal
nafi thi baad to isbaat se pahle kya tha

koi gardish thi ki sakit the zamin o KHurshid
gumbad-e-waqt mein din raat se pahle kya tha

main agar pahla tamasha tha tamasha-gah mein
mashghala us ka meri zat se pahle kya tha

kuchh wasila to raha hoga shikam-seri ka
rizq-e-KHufta ki nabaatat se pahle kya tha

main agar aadam-e-sani hun to wirsa hai kahan
zarf-e-ajdad mein amwat se pahle kya tha

har mulaqat ka anjam judai tha agar
phir ye hangama mulaqat se pahle kya tha

main bhi maghlub tha hajat ki kasrat se magar
lutf us ko bhi munajat se pahle kya tha


Source: Mata-e-Kaleem

Leave a comment

+