hai kis kā intizār khulā ghar kā dar bhī hai
aur jaltā ik charāġh sar-e-rah-guzar bhī hai

har lamha ghar ko lauT ke jaane kā bhī ḳhayāl
har lamha is ḳhayāl se dil ko hazar bhī hai

tanhā.iyāñ pukārtī rahtī haiñ aao aao
ai bekasī batā kahīñ in se mafar bhī hai

kis tarah kaaTī kaise guzārī tamām umr
vo mil gayā to aise savāloñ kā Dar bhī hai

kyūñkar na zindagī meñ rahe vahshatoñ se kaam
har lahza jab gumāñ ho koī baam par bhī hai

hai kis ka intizar khula ghar ka dar bhi hai
aur jalta ek charagh sar-e-rah-guzar bhi hai

har lamha ghar ko lauT ke jaane ka bhi KHayal
har lamha is KHayal se dil ko hazar bhi hai

tanhaiyan pukarti rahti hain aao aao
ai bekasi bata kahin in se mafar bhi hai

kis tarah kaTi kaise guzari tamam umr
wo mil gaya to aise sawalon ka Dar bhi hai

kyunkar na zindagi mein rahe wahshaton se kaam
har lahza jab guman ho koi baam par bhi hai