na chāragar na masīhā na rāhbar thā maiñ
nazar meñ phir bhī zamāne kī mo'atabar thā maiñ

anā pe harf na aa jaa.e haq-parastoñ kī
uThā.e apne hī neze pe apnā sar thā maiñ

savāl ye nahīñ kis ne kiyā thā qatl mujhe
savāl ye hai ki kyuuñ ḳhud se be-ḳhabar thā maiñ

jo sub.h-e-nau kā asīrī meñ de rahā thā payām
vo inqilāb-e-zamāna kā nāma-bar thā maiñ

sukūn-e-dil bhī milā ābloñ kī lazzat bhī
tumhāre saath safar meñ jo ham-safar thā maiñ

hue the past havāoñ ke hausle 'ārif'
jab apne khole fazāoñ meñ bāl-o-par thā maiñ

na chaaragar na masiha na rahbar tha main
nazar mein phir bhi zamane ki mo'atabar tha main

ana pe harf na aa jae haq-paraston ki
uThae apne hi neze pe apna sar tha main

sawal ye nahin kis ne kiya tha qatl mujhe
sawal ye hai ki kyun KHud se be-KHabar tha main

jo subh-e-nau ka asiri mein de raha tha payam
wo inqilab-e-zamana ka nama-bar tha main

sukun-e-dil bhi mila aablon ki lazzat bhi
tumhaare sath safar mein jo ham-safar tha main

hue the past hawaon ke hausle 'arif'
jab apne khole fazaon mein baal-o-par tha main