Subscribe to our newsletter and get our newest updates

Hairat Farrukhabadi

  • Ghazal


ye kahani ye fasana bas isi shab bhar ka hai


ye kahānī ye fasāna bas isī shab bhar kā hai
zindagī shīshe kī hai aur aadmī patthar kā hai

dosto is daur kī sab se baḌī ḳhūbī hai ye
aadmī patthar kā dil patthar ghar patthar kā hai

hai vo kitnā ḳhūbsūrat har adā bhī dil-nashīñ
us kī bāteñ mīThī mīThī par asar nashtar kā hai

ek muddat ho ga.ī aa.ī na manzil aaj tak
ye karishma bhī mire yaaro mire rahbar kā hai

kab talak rakhoge ummīd-e-karam us but se tum
hai to vo miTTī kā lekin us kā dil patthar kā hai

nā-ummīdī be-yaqīnī bebasī be-chārgī
ek terā hī nahīñ ye qissa ab ghar ghar kā hai

ab guzāra ġhair-mumkin shahr meñ hairat jahāñ
zehn-o-dil patthar ke tan patthar kā ghar patthar kā hai

ye kahani ye fasana bas isi shab bhar ka hai
zindagi shishe ki hai aur aadmi patthar ka hai

dosto is daur ki sab se baDi KHubi hai ye
aadmi patthar ka dil patthar ghar patthar ka hai

hai wo kitna KHubsurat har ada bhi dil-nashin
us ki baaten miThi miThi par asar nashtar ka hai

ek muddat ho gai aai na manzil aaj tak
ye karishma bhi mere yaro mere rahbar ka hai

kab talak rakhoge ummid-e-karam us but se tum
hai to wo miTTi ka lekin us ka dil patthar ka hai

na-ummidi be-yaqini bebasi be-chaargi
ek tera hi nahin ye qissa ab ghar ghar ka hai

ab guzara ghair-mumkin shahr mein hairat jahan
zehn-o-dil patthar ke tan patthar ka ghar patthar ka hai


Pachas Sala Intekhab"

Leave a comment

+