Subscribe to our newsletter and get our newest updates

Prabudha Saurabh

  • Ghazal


jo hum teri aankhon ke tare hue hain


jo ham terī āñkhoñ ke taare hue haiñ
ka.ī ratjagoñ ke sañvāre hue haiñ

barābar pe chhūTī mohabbat kī baazī
na jiite hue haiñ na haare hue haiñ

unhīñ kī nazar meñ utarnā hai ham ko
jo ham ko nazar se utāre hue haiñ

qalam yaad coffē bharam chand panne
bas itne meñ bhī din guzāre hue haiñ

ġhazal kā hunar sirf hāsil ġhamoñ kā
ye ash.ār ashkoñ se khāre hue haiñ

jo hum teri aankhon ke tare hue hain
kai ratjagon ke sanware hue hain

barabar pe chhuTi mohabbat ki bazi
na jite hue hain na haare hue hain

unhin ki nazar mein utarna hai hum ko
jo hum ko nazar se utare hue hain

qalam yaad coffee bharam chand panne
bas itne mein bhi din guzare hue hain

ghazal ka hunar sirf hasil ghamon ka
ye ashaar ashkon se khaare hue hain


Source: Rooh-e-Ghazal,Pachas Sala Intekhab

Leave a comment

+