Subscribe to our newsletter and get our newest updates

Varun Gagneja Wahid

  • Ghazal


sochte rahna shab-e-gham mein izafat karna


sochte rahnā shab-e-ġham meñ izāfat karnā
hai diyā ban ke havāoñ se mohabbat karnā

ham ko is meñ bhī ziyārat kā maza miltā hai
baiThe rahnā tire chehre kī tilāvat karnā

us kī furqat meñ ḳhud apne meñ maiñ kho jaatā huuñ
is ko kahte haiñ amānat meñ ḳhayānat karnā

husn-e-jānāñ pe kuchh aisī thī javānī aa.ī
paḌ gayā ham ko rafīqoñ se raqābat karnā

ham ne paa.ī hai virāsat meñ ye aadat 'vāhid'
is zamāne meñ bhī logoñ se mohabbat karnā

sochte rahna shab-e-gham mein izafat karna
hai diya ban ke hawaon se mohabbat karna

hum ko is mein bhi ziyarat ka maza milta hai
baiThe rahna tere chehre ki tilawat karna

us ki furqat mein KHud apne mein main kho jata hun
is ko kahte hain amanat mein KHayanat karna

husn-e-jaanan pe kuchh aisi thi jawani aai
paD gaya hum ko rafiqon se raqabat karna

hum ne pai hai wirasat mein ye aadat 'wahid'
is zamane mein bhi logon se mohabbat karna


Source: Book : Pathan Shayraat ka Tazkira (Pg. 108) Author : Khan Mohammad Atif Publication : Khan Mohammad Atif (1983) Edition : 1983

Leave a comment

+