ham hijr ke rastoñ kī havā dekh rahe haiñ
manzil se pare dasht-e-balā dekh rahe haiñ

is shahr meñ ehsās kī devī nahīñ rahtī
har shaḳhs ke chehre ko nayā dekh rahe haiñ

inkār bhī karne kā bahāna nahīñ miltā
iqrār bhī karne kā mazā dekh rahe haiñ

tū hai bhī nahīñ aur nikaltā bhī nahīñ hai
ham ḳhud ko rag-e-jāñ ke sivā dekh rahe haiñ

kuchh kah ke guzar jā.egā is baar zamāna
ham us ke tabassum kī sadā dekh rahe haiñ

hum hijr ke raston ki hawa dekh rahe hain
manzil se pare dasht-e-bala dekh rahe hain

is shahr mein ehsas ki dewi nahin rahti
har shaKHs ke chehre ko naya dekh rahe hain

inkar bhi karne ka bahana nahin milta
iqrar bhi karne ka maza dekh rahe hain

tu hai bhi nahin aur nikalta bhi nahin hai
hum KHud ko rag-e-jaan ke siwa dekh rahe hain

kuchh kah ke guzar jaega is bar zamana
hum us ke tabassum ki sada dekh rahe hain

RECITATIONS Taleef Haidar



00:00/00:00 hum hijr ke raston ki hawa dekh rahe hain Taleef Haidar