Warning: session_start(): open(/tmp/sess_ial44qknr3i58ebkgovkcijbk6, O_RDWR) failed: No space left on device (28) in /razi/eraazi/darbari/chunmun/index.php on line 15
hisar-e-did mein jaga tilism-e-binai

Subscribe to our newsletter and get our newest updates

Abdul Ahad Saaz

  • Ghazal


hisar-e-did mein jaga tilism-e-binai


hisār-e-dīd meñ jaagā tilism-e-bīnā.ī
zarā jo lau tirī sham-e-badan kī tharrā.ī

na jaane kis se bichhaḌne ke rāg-rañg haiñ sab
ye zindagī hai ki furqat kī bazm-ārā.ī

sukūt-e-bahr meñ kis ġham kā raaz pinhāñ thā
bas ek mauj uThī aur aañkh bhar aa.ī

ye samt samt taḳhātub ufuq ufuq taqrīr
tirā kalām hai merā rafīq-e-tanhā.ī

ḳhirad kī rah jo chalā maiñ to dil ne mujh se kahā
azīz-e-man ''ba-salāmat-ravī o bāz-ā.ī''

uThā.e suur sarāfīl dekhtā hī rahā
bashar ke haath nizām-e-qayāmat-ārā.ī

kiyā thā jī kā ziyāñ ham ne ik ġhazal bhar ko
hazār sher kahe ho sakī na bharpā.ī

hisar-e-did mein jaga tilism-e-binai
zara jo lau teri sham-e-badan ki tharrai

na jaane kis se bichhaDne ke rag-rang hain sab
ye zindagi hai ki furqat ki bazm-arai

sukut-e-bahr mein kis gham ka raaz pinhan tha
bas ek mauj uThi aur aankh bhar aai

ye samt samt taKHatub ufuq ufuq taqrir
tera kalam hai mera rafiq-e-tanhai

KHirad ki rah jo chala main to dil ne mujh se kaha
aziz-e-man ba-salamat-rawi o baz-ai

uThae sur sarafil dekhta hi raha
bashar ke hath nizam-e-qayamat-arai

kiya tha ji ka ziyan hum ne ek ghazal bhar ko
hazar sher kahe ho saki na bharpai


Leave a comment

+