Subscribe to our newsletter and get our newest updates

Najeeb Ahmad

  • Ghazal


thakan se chur badan dhul mein aTa sar tha


thakan se chuur badan dhuul meñ aTā sar thā
maiñ jab girā to mire sāmne mirā ghar thā

tahī-e-samar shajar-e-ḳhvāb kuchh niDhāl se the
zamīñ pe sūkhī huī pattiyoñ kā bistar thā

usī kī aab thī us shab meñ raushnī kī lakīr
vo ek shaḳhs ki jo kāñch se bhī kam-tar thā

nahīñ ki gard haiñ saat āsmāñ hī gardish meñ
zamīñ kī tarah mire paañv meñ bhī chakkar thā

maiñ aaj bhī usī bastī meñ jī rahā huuñ jahāñ
kisī ke haath meñ ḳhanjar kisī ke patthar thā

baḌhā ke haath ḳhizāñ kī rutoñ ne noch liyā
havā ke jism pe jo ḳhushbuoñ kā zevar thā

saroñ pe abr-kushā dhuup kī tamāzat thī
'najīb' zer-e-qadam ret kā samundar thā

thakan se chur badan dhul mein aTa sar tha
main jab gira to mere samne mera ghar tha

tahi-e-samar shajar-e-KHwab kuchh niDhaal se the
zamin pe sukhi hui pattiyon ka bistar tha

usi ki aab thi us shab mein raushni ki lakir
wo ek shaKHs ki jo kanch se bhi kam-tar tha

nahin ki gard hain sat aasman hi gardish mein
zamin ki tarah mere panw mein bhi chakkar tha

main aaj bhi usi basti mein ji raha hun jahan
kisi ke hath mein KHanjar kisi ke patthar tha

baDha ke hath KHizan ki ruton ne noch liya
hawa ke jism pe jo KHushbuon ka zewar tha

saron pe abr-kusha dhup ki tamazat thi
'najib' zer-e-qadam ret ka samundar tha


Leave a comment

+