Subscribe to our newsletter and get our newest updates

Zaheer Rahmati

  • Ghazal


yun hi hum dard apna kho rahe hain


yuuñ hī ham dard apnā kho rahe haiñ
yahī ronā hai ham kyuuñ ro rahe haiñ

qayāmat-ḳhvāb se āñkheñ khulī thiiñ
phir āñkheñ khol kar ham so rahe haiñ

bahut zarḳhez sailāb-e-balā thā
yahāñ ab ḳhuub fasleñ bo rahe haiñ

havā-e-vasl ne vo ḳhaak uḌaa.ī
abhī tak haath muñh ham dho rahe haiñ

diye saare badan meñ tairte haiñ
kyuuñ itnā paanī paanī ho rahe haiñ

bahut rāhat-rasāñ hai ḳhauf-e-jāñ bhī
sulagtī rut meñ ThanDe ho rahe haiñ

yun hi hum dard apna kho rahe hain
yahi rona hai hum kyun ro rahe hain

qayamat-KHwab se aankhen khuli thin
phir aankhen khol kar hum so rahe hain

bahut zarKHez sailab-e-bala tha
yahan ab KHub faslen bo rahe hain

hawa-e-wasl ne wo KHak uDai
abhi tak hath munh hum dho rahe hain

diye sare badan mein tairte hain
kyun itna pani pani ho rahe hain

bahut rahat-rasan hai KHauf-e-jaan bhi
sulagti rut mein ThanDe ho rahe hain


Source: Book : Beesveen Sadi Ki Behtareen Ishqiya Ghazlen (Pg. 224)

Leave a comment

+