Subscribe to our newsletter and get our newest updates

Mahmood Shaam

  • Ghazal


raat aai hai guzar jaegi


raat aa.ī hai guzar jā.egī
raushnī ban ke bikhar jā.egī

haañ yūñhī chāñd ko takte rahnā
chāñdnī dil meñ utar jā.egī

lazzat-e-dard bachā kar rakhnā
nik.hat-e-jāñ hai bikhar jā.egī

karb kī aag lagā lo dil se
kal ḳhudā jaane kidhar jā.egī

isī raste pe bahā apnā lahū
isī raste se sahar jā.egī

jism kaTnā thā ye ma.alūm na thā
yuuñ mirī zaat bikhar jā.egī

maiñ ne jī-bhar ke tujhe dekhnā hai
ab tirī shakl nikhar jā.egī

raat aai hai guzar jaegi
raushni ban ke bikhar jaegi

han yunhi chand ko takte rahna
chandni dil mein utar jaegi

lazzat-e-dard bacha kar rakhna
nikhat-e-jaan hai bikhar jaegi

karb ki aag laga lo dil se
kal KHuda jaane kidhar jaegi

isi raste pe baha apna lahu
isi raste se sahar jaegi

jism kaTna tha ye malum na tha
yun meri zat bikhar jaegi

main ne ji-bhar ke tujhe dekhna hai
ab teri shakl nikhar jaegi


Source: Book : sheerazah (Pg. 52) Author : makhmoor saeedi,Parem Gopal Mittal Publication : P -K Publication 3072 Partap stareet gola Market -Daryaganj delhi-6 (1973) Edition : 1973

Leave a comment

+