Warning: session_start(): open(/tmp/sess_6vsdcc25snfc6nfamcjf41li24, O_RDWR) failed: No space left on device (28) in /razi/eraazi/darbari/chunmun/index.php on line 15
surat-e-mauj samundar mein kahan se aaya

Subscribe to our newsletter and get our newest updates

Liyaqat Ali Aasim

  • Ghazal


surat-e-mauj samundar mein kahan se aaya


sūrat-e-mauj samundar meñ kahāñ se aayā
maiñ musāfir kī tarah ghar meñ kahāñ se aayā

ḳhvāhish-e-ḳhud-nigarī sabz huī kis rut meñ
ā.īna dast-e-sikandar meñ kahāñ se aayā

sar darīchoñ se nikal aa.e sadā sunte hī
ye hunar tere gadāgar meñ kahāñ se aayā

markaz-e-gul thā so ab ḳhaak nazar aatā hai
ye taġhayyur mire bistar meñ kahāñ se aayā

merī rāteñ bhī siyah din bhī añdhere mere
rañg ye mere muqaddar meñ kahāñ se aayā

kis ne khīñchā mirī tanhā.ī kā naqsha 'āsim'
dasht is shahr ke manzar meñ kahāñ se aayā

surat-e-mauj samundar mein kahan se aaya
main musafir ki tarah ghar mein kahan se aaya

KHwahish-e-KHud-nigari sabz hui kis rut mein
aaina dast-e-sikandar mein kahan se aaya

sar darichon se nikal aae sada sunte hi
ye hunar tere gadagar mein kahan se aaya

markaz-e-gul tha so ab KHak nazar aata hai
ye taghayyur mere bistar mein kahan se aaya

meri raaten bhi siyah din bhi andhere mere
rang ye mere muqaddar mein kahan se aaya

kis ne khincha meri tanhai ka naqsha 'asim'
dasht is shahr ke manzar mein kahan se aaya


Leave a comment

+