Subscribe to our newsletter and get our newest updates

Fareed Javed

  • Ghazal

jab bhi sham-e-tarab jalai hai


jab bhī sham-e-tarab jalā.ī hai
aañch mahrūmiyoñ kī aa.ī hai

rāste itne be-karāñ to na the
justujū kitnī duur laa.ī hai

zahmat-e-justujū se kyā hogā
bū-e-gul kis ke haath aa.ī hai

kitnī rañgīniyoñ meñ terī yaad
kis qadar sādgī se aa.ī hai

kah ke jān-e-ġhazal tujhe ham ne
apnī kam-mā.igī chhupā.ī hai

jab bhī 'jāved' chheḌ dī hai ġhazal
baat vāraftagī tak aa.ī hai

jab bhi sham-e-tarab jalai hai
aanch mahrumiyon ki aai hai

raste itne be-karan to na the
justuju kitni dur lai hai

zahmat-e-justuju se kya hoga
bu-e-gul kis ke hath aai hai

kitni ranginiyon mein teri yaad
kis qadar sadgi se aai hai

kah ke jaan-e-ghazal tujhe hum ne
apni kam-maigi chhupai hai

jab bhi 'jawed' chheD di hai ghazal
baat waraftagi tak aai hai


Leave a comment

+