Subscribe to our newsletter and get our newest updates

Wali Uzlat

  • Ghazal

bahaar aai junun lega hamara imtihan dekhen


bahār aa.ī junūñ legā hamārā imtihāñ dekheñ
namak degā dil-e-zaḳhmī ko shor-e-bulbulāñ dekheñ

siyā hai zaḳhm-e-bulbul gul ne ḳhaar aur bū-e-gulshan se
suuī taagā hamāre chāk-e-dil kā hai kahāñ dekheñ

hameñ dil-sozī hamesha yahāñ tak diin o īmāñ hai
ki jī jaltā hai jab ham bulbul-e-fasl-e-ḳhizāñ dekheñ

guzar jaatī hai dil se tiir ho kar yaad us qad kī
jahāñ ham-dosh-e-āshiq ham koī abrū-kamāñ dekheñ

humā se bach ke mujh majnūñ ko daulat ishq kī ho jo
sag-e-lailā kī qismat hoñge mere ustuḳhāñ dekheñ

chalā huuñ 'uzlat' ab sahrā bagūle kī ziyārat ko
milegā tauf ko majnūñ kā barbād āstāñ dekheñ

bahaar aai junun lega hamara imtihan dekhen
namak dega dil-e-zaKHmi ko shor-e-bulbulan dekhen

siya hai zaKHm-e-bulbul gul ne KHar aur bu-e-gulshan se
sui taga hamare chaak-e-dil ka hai kahan dekhen

hamein dil-sozi hamesha yahan tak din o iman hai
ki ji jalta hai jab hum bulbul-e-fasl-e-KHizan dekhen

guzar jati hai dil se tir ho kar yaad us qad ki
jahan ham-dosh-e-ashiq hum koi abru-kaman dekhen

huma se bach ke mujh majnun ko daulat ishq ki ho jo
sag-e-laila ki qismat honge mere ustuKHan dekhen

chala hun 'uzlat' ab sahra bagule ki ziyarat ko
milega tauf ko majnun ka barbaad aastan dekhen


Source: Manzoomat-e-Aasi(Abdul Aleem Aasi Ki Nazmon Aur Ghazlon Ki Kulliyat)

Leave a comment

+