taptā sūraj shaam ko Dhal jā.egā
vaqt kaisā hī paḌe Tal jā.egā

aa gayā hai raas vīrāna use
lauT ke ghar kaise pāgal jā.egā

jhūmtā lahrātā lalchātā chalā
kyā patā kis des bādal jā.egā

phūñkne se qabl ham-sā.e kā ghar
ye na sochā apnā ghar jal jā.egā

'faizī' kitne bā-vafā hote haiñ dost
vaqt paḌte hī patā chal jā.egā

tapta suraj sham ko Dhal jaega
waqt kaisa hi paDe Tal jaega

aa gaya hai ras virana use
lauT ke ghar kaise pagal jaega

jhumta lahraata lalchata chala
kya pata kis des baadal jaega

phunkne se qabl ham-sae ka ghar
ye na socha apna ghar jal jaega

'faizi' kitne ba-wafa hote hain dost
waqt paDte hi pata chal jaega

Source: Funoon(Jadeed Ghazal Number: Volume-002)