Subscribe to our newsletter and get our newest updates

Vahshi Kanpuri

  • Ghazal


zamin se aasman tak aasman se la-makan tak hai


zamīñ se āsmāñ tak āsmāñ se lā-makāñ tak hai
zarā parvāz-e-musht-e-ḳhāk to dekho kahāñ tak hai

talāsh-o-justujū kī had faqat nām-o-nishāñ tak hai
surāġh-e-kārvāñ bhī bas ġhubār-e-kārvāñ tak hai

jabīn-e-shauq ko kuchh aur bhī izn-e-sa.ādat de
ye zauq-e-bandagī mahdūd sañg-e-āstāñ tak hai

sarāpā aarzū ban kar kamāl-e-mudda.ā ho jā
vo nañg-e-ishq hai jo aarzū āh-o-fuġhāñ tak hai

baḌhā.e jā qadam rāh-e-talab meñ shauq se 'vahshī'
ki had-e-sa.ī-e-lā-hāsil faqat kaun-o-makāñ tak hai

zamin se aasman tak aasman se la-makan tak hai
zara parwaz-e-musht-e-KHak to dekho kahan tak hai

talash-o-justuju ki had faqat nam-o-nishan tak hai
suragh-e-karwan bhi bas ghubar-e-karwan tak hai

jabin-e-shauq ko kuchh aur bhi izn-e-saadat de
ye zauq-e-bandagi mahdud sang-e-astan tak hai

sarapa aarzu ban kar kamal-e-muddaa ho ja
wo nang-e-ishq hai jo aarzu aah-o-fughan tak hai

baDhae ja qadam rah-e-talab mein shauq se 'wahshi'
ki had-e-sai-e-la-hasil faqat kaun-o-makan tak hai


Source: Book : Noquush (Pg. B428 E438) Publication : Nuqoosh Press Lahore (May June 1954) Edition : May June 1954

Leave a comment

+