Subscribe to our newsletter and get our newest updates

Faisal Nadeem Faisal

  • Ghazal


kuchh aisa rabt musalsal raha shuur se bhi


kuchh aisā rabt musalsal rahā shu.ūr se bhī
ki ḳhauf aane lagā ishq ke vafūr se bhī

vo shash-jahāt se yaksāñ dikhā.ī detā hai
use qarīb se dekhā hai aur duur se bhī

hamārā ishq haqīqat meñ ġhār-e-saur-o-hirā
agarche ḳhaas aqīdat hameñ hai tuur se bhī

sunā hai ḳhaas ta.alluq hai ḳhārjiyat kā
hamārī zaat ke kuchh dāḳhlī umuur se bhī

tabhī to zehn pe haavī hai ishq-e-sahrā.ī
azal se dil ke marāsim rahe khajūr se bhī

ye aur baat hai maano ki iḳhtilāf karo
nishāniyāñ to hazāroñ milīñ zabūr se bhī

lahū meñ raqs-kunāñ ishq hai mire 'faisal'
juḌā huā hai koī silsila qusūr se bhī

kuchh aisa rabt musalsal raha shuur se bhi
ki KHauf aane laga ishq ke wafur se bhi

wo shash-jahat se yaksan dikhai deta hai
use qarib se dekha hai aur dur se bhi

hamara ishq haqiqat mein ghaar-e-saur-o-hira
agarche KHas aqidat hamein hai tur se bhi

suna hai KHas talluq hai KHarjiyat ka
hamari zat ke kuchh daKHli umur se bhi

tabhi to zehn pe hawi hai ishq-e-sahrai
azal se dil ke marasim rahe khajur se bhi

ye aur baat hai mano ki iKHtilaf karo
nishaniyan to hazaron milin zabur se bhi

lahu mein raqs-kunan ishq hai mere 'faisal'
juDa hua hai koi silsila qusur se bhi


Leave a comment

+