Warning: session_start(): open(/tmp/sess_lfcgmrjjevvr42psmpodm03ca1, O_RDWR) failed: No space left on device (28) in /razi/eraazi/darbari/chunmun/index.php on line 15
dil pyar ke rishton se mukar bhi nahin jata

Subscribe to our newsletter and get our newest updates

Vali Madni

  • Ghazal


dil pyar ke rishton se mukar bhi nahin jata


dil pyaar ke rishtoñ se mukar bhī nahīñ jaatā
shākī hai magar chhoḌ ke dar bhī nahīñ jaatā

ham kis se kareñ sho.alagī-e-mehr kā shikva
ai abr-e-gurezāñ to Thahar bhī nahīñ jaatā

is shahr-e-anā meñ jo fasādāt na chhiḌte
to pyaar kā ye shauq-e-safar bhī nahīñ jaatā

vo fahm-o-farāsat kā diyā haath meñ le kar
is daur-e-tashaddud se guzar bhī nahīñ jaatā

is ek kī rassī ko agar thaam ke rahte
phir apnī duāoñ kā asar bhī nahīñ jaatā

ye ziist ke lamhe haiñ 'valī' qīmtī hiire
kyuuñ koī baḌā kaam tū kar bhī nahīñ jaatā

dil pyar ke rishton se mukar bhi nahin jata
shaki hai magar chhoD ke dar bhi nahin jata

hum kis se karen shoalagi-e-mehr ka shikwa
ai abr-e-gurezan to Thahar bhi nahin jata

is shahr-e-ana mein jo fasadat na chhiDte
to pyar ka ye shauq-e-safar bhi nahin jata

wo fahm-o-farasat ka diya hath mein le kar
is daur-e-tashaddud se guzar bhi nahin jata

is ek ki rassi ko agar tham ke rahte
phir apni duaon ka asar bhi nahin jata

ye zist ke lamhe hain 'wali' qimti hire
kyun koi baDa kaam tu kar bhi nahin jata


Leave a comment

+