ye aañsū rok rakhe haiñ ba-mushkil din guzāre haiñ
tumheñ dikhte nahīñ haiñ jo sabhī vo ġham tumhāre haiñ

khulī zulfeñ hañsī chehra tumhārī jhiil sī āñkheñ
hameñ pāgal na kar deñ ye bahut dilkash nazāre haiñ

hamārī uñgliyoñ se aaj tak ḳhushbū nahīñ jaatī
kisī ke reshmī gesū kabhī itne sañvāre haiñ

kise vishvās hogā ham milan-taT chhū nahīñ paa.e
rahe nazdīk yuuñ jaise nadī ke do kināre haiñ

muhājir ho gayā huuñ dev kuchh majbūriyoñ ḳhātir
javāñ hone lage bachche bahut ḳharche hamāre haiñ

ye aansu rok rakhe hain ba-mushkil din guzare hain
tumhein dikhte nahin hain jo sabhi wo gham tumhaare hain

khuli zulfen hansi chehra tumhaari jhil si aankhen
hamein pagal na kar den ye bahut dilkash nazare hain

hamari ungliyon se aaj tak KHushbu nahin jati
kisi ke reshmi gesu kabhi itne sanware hain

kise wishwas hoga hum milan-taT chhu nahin pae
rahe nazdik yun jaise nadi ke do kinare hain

muhajir ho gaya hun dew kuchh majburiyon KHatir
jawan hone lage bachche bahut KHarche hamare hain

Source: Book : Aaina-e-Dil (Pg. 69) Author : Dil Ayubi Publication : Nazish Book Center Lahore (1995) Edition : 1995