vahshateñ phailī haiñ har sū do-jahāñ ḳhāmosh hai
hai zamīñ girya-kunāñ aur āsmāñ ḳhāmosh hai

beTiyoñ ke maan honā chāhiye apmān hai
dekh kar sab kuchh bhī ye hindostāñ ḳhāmosh hai

zulmatoñ kī aañch se jhulse ġharīboñ ke hī ghar
aag baḌhtī jā rahī hai aur dhuāñ ḳhāmosh hai

thā chaman gulzār pahle ab hai ujḌī vādiyāñ
ho gayā barbād gulshan bāġhbāñ ḳhāmosh hai

jānte to haiñ yahāñ sab hī siyāsat ke fareb
kyā ḳhabar kis maslahat se har zabāñ ḳhāmosh hai

wahshaten phaili hain har su do-jahan KHamosh hai
hai zamin girya-kunan aur aasman KHamosh hai

beTiyon ke man hona chahiye apman hai
dekh kar sab kuchh bhi ye hindostan KHamosh hai

zulmaton ki aanch se jhulse gharibon ke hi ghar
aag baDhti ja rahi hai aur dhuan KHamosh hai

tha chaman gulzar pahle ab hai ujDi wadiyan
ho gaya barbaad gulshan baghban KHamosh hai

jaante to hain yahan sab hi siyasat ke fareb
kya KHabar kis maslahat se har zaban KHamosh hai