Subscribe to our newsletter and get our newest updates

Darshan Singh

  • Ghazal


libas-e-faqr mein hum ko jo KHaksar mile


libās-e-faqr meñ ham ko jo ḳhāksār mile
unhīñ ke dar pe salātīn-e-rozgār mile

vo raaz jis se sulagtā rahā hai dil kah deñ
hamāre dil sā agar koī rāzdār mile

sharāb ḳhāna-e-chishtī meñ bhī nazar aa.e
hameñ jo ulfat-e-nānak ke bāda-ḳhvār mile

ġham-e-jahāñ-nigarī kā safar-e-qayāmat thā
har ek zarre ke siine meñ kohsār mile

koī bhī dūrī-e-manzil nahīñ agar 'darshan'
jahāñ ko merā junūn-e-ḳhirad-shikār mile

libas-e-faqr mein hum ko jo KHaksar mile
unhin ke dar pe salatin-e-rozgar mile

wo raaz jis se sulagta raha hai dil kah den
hamare dil sa agar koi raazdar mile

sharab KHana-e-chishti mein bhi nazar aae
hamein jo ulfat-e-nanak ke baada-KHwar mile

gham-e-jahan-nigari ka safar-e-qayamat tha
har ek zarre ke sine mein kohsar mile

koi bhi duri-e-manzil nahin agar 'darshan'
jahan ko mera junun-e-KHirad-shikar mile


Source: Book : Khwaab Palkon Mein (Pg. 52) Author : Vishal Khullar Publication : Insha Publications Book : Khwaab Palkon Mein (Pg. 52) Author : Vishal Khullar Publication : Insha Publications (2017) Edition : 2017

Leave a comment

+