yuuñ to hañste hue laḌkoñ ko bhī ġham hotā hai
kachchī umroñ meñ magar tajraba kam hotā hai

cigareteñ chaa.e dhuāñ raat ga.e tak bahseñ
aur koī phuul sā āñchal kahīñ nam hotā hai

is tarah roz ham ik ḳhat use likh dete haiñ
ki na kāġhaz na siyāhī na qalam hotā hai

ek ek lafz tumhārā tumheñ ma.alūm nahīñ
vaqt ke khurdure kāġhaz par raqam hotā hai

vaqt har zulm tumhārā tumheñ lauTā degā
vaqt ke paas kahāñ rahm-o-karam hotā hai

fāsla izzat o rusvā.ī meñ 'vālī'-sāhab
sunte aa.e haiñ ki bas chand qadam hotā hai

yun to hanste hue laDkon ko bhi gham hota hai
kachchi umron mein magar tajraba kam hota hai

cigareten chae dhuan raat gae tak bahsen
aur koi phul sa aanchal kahin nam hota hai

is tarah roz hum ek KHat use likh dete hain
ki na kaghaz na siyahi na qalam hota hai

ek ek lafz tumhaara tumhein malum nahin
waqt ke khurdure kaghaz par raqam hota hai

waqt har zulm tumhaara tumhein lauTa dega
waqt ke pas kahan rahm-o-karam hota hai

fasla izzat o ruswai mein 'wali'-sahab
sunte aae hain ki bas chand qadam hota hai