ajab āhañg thā us shor meñ bhī ḳharch huī
merī āvāz-e-sukūt-e-ajabī ḳharch huī

ek hī aan meñ dīdār huā baat huī
ḳhvāhish-e-vasl sar-e-tūr sabhī ḳharch huī

zindagī tere ta.āqub meñ guzārī huī shab
baḌī mushkil se milī aur yūñhī ḳharch huī

sub.h tak zulf-e-siyah-rañg kā jaadū thā ajab
raat botal meñ thī jitnī bhī bachī ḳharch huī

sub.h uThte hī maiñ kuchh dhuup bharuñgā in meñ
ḳhvāb dekheñ haiñ to āñkhoñ kī namī ḳharch huī

kitnī tah-dār ḳhalā hai ye ḳhalā ke andar
āsmāñ dekh ke nūr-e-nazarī ḳharch huī

kyā hī achchhī thī kalā.ī meñ bañdhī rahtī thī
vaqt ko dekhte rahne se ghaḌī ḳharch huī

baḌī vīrānī sar-e-kūcha-e-zulmat hai nasīb
aap aa.e haiñ to thoḌī hī sahī ḳharch huī

ajab aahang tha us shor mein bhi KHarch hui
meri aawaz-e-sukut-e-ajabi KHarch hui

ek hi aan mein didar hua baat hui
KHwahish-e-wasl sar-e-tur sabhi KHarch hui

zindagi tere taaqub mein guzari hui shab
baDi mushkil se mili aur yunhi KHarch hui

subh tak zulf-e-siyah-rang ka jadu tha ajab
raat botal mein thi jitni bhi bachi KHarch hui

subh uThte hi main kuchh dhup bharunga in mein
KHwab dekhen hain to aankhon ki nami KHarch hui

kitni tah-dar KHala hai ye KHala ke andar
aasman dekh ke nur-e-nazari KHarch hui

kya hi achchhi thi kalai mein bandhi rahti thi
waqt ko dekhte rahne se ghaDi KHarch hui

baDi virani sar-e-kucha-e-zulmat hai nasib
aap aae hain to thoDi hi sahi KHarch hui

Source: Ab Tak