Subscribe to our newsletter and get our newest updates

Zafar Ajmi

  • Ghazal


KHusha ai zaKHm ki surat nai nikalti hai


ḳhushā ai zaḳhm ki sūrat na.ī nikaltī hai
bajā.e ḳhuun ke ab raushnī nikaltī hai

nigāh-e-lutf ho is dil pe bhī o-shīsha-ba-dast
is aa.ine se bhī sūrat tirī nikaltī hai

mire harīf haiñ masrūf harf-sāzī meñ
yahāñ to saut-e-yaqīñ aap hī nikaltī hai

zubāñ-burīdā shikastā-badan sahī phir bhī
khaḌe hue haiñ aur āvāz bhī nikaltī hai

tamām shahr hai ik mīThe bol kā saa.il
hamārī jeb se haañ ye ḳhushī nikaltī hai

ik aisā vaqt bhī sair-e-chaman meñ dekhā hai
kalī ke siine se jab be-kalī nikaltī hai

kisī ke rāste kī ḳhaak meñ paḌe haiñ 'zafar'
mata.a-e-umr yahī ājizī nikaltī hai

KHusha ai zaKHm ki surat nai nikalti hai
bajae KHun ke ab raushni nikalti hai

nigah-e-lutf ho is dil pe bhi o-shisha-ba-dast
is aaine se bhi surat teri nikalti hai

mere harif hain masruf harf-sazi mein
yahan to saut-e-yaqin aap hi nikalti hai

zuban-burida shikasta-badan sahi phir bhi
khaDe hue hain aur aawaz bhi nikalti hai

tamam shahr hai ek miThe bol ka sail
hamari jeb se han ye KHushi nikalti hai

ek aisa waqt bhi sair-e-chaman mein dekha hai
kali ke sine se jab be-kali nikalti hai

kisi ke raste ki KHak mein paDe hain 'zafar'
mata-e-umr yahi aajizi nikalti hai


Source: Funoon(Jadeed Ghazal Number: Volume-002)

Leave a comment

+