ab rāste pe koī rukāvaT nahīñ tire
bohtān kī chaTān ko maiñ ne haTā diyā

fikroñ ko chīrte hue tere ḳhayāl ne
TuuTe hue badan meñ nayā dil lagā diyā

mahfil meñ maslahat se jo bāteñ na kar sakā
dānishvaroñ ne us ko nishāna banā diyā

kūche meñ yaar logoñ kā jab baḌh gayā hujūm
us ne bhī ehtiyāt kā parda girā diyā

chāñdī se paañv chhoḌ ga.e gungunāte naqsh
pag pag pe jaise diip kisī ne jalā diyā

ab raste pe koi rukawaT nahin tere
bohtan ki chaTan ko main ne haTa diya

fikron ko chirte hue tere KHayal ne
TuTe hue badan mein naya dil laga diya

mahfil mein maslahat se jo baaten na kar saka
danishwaron ne us ko nishana bana diya

kuche mein yar logon ka jab baDh gaya hujum
us ne bhi ehtiyat ka parda gira diya

chandi se panw chhoD gae gungunate naqsh
pag pag pe jaise dip kisi ne jala diya