ab to firāq-e-sub.h meñ bujhne lagī hayāt
bār-e-ilāh kitne pahar rah ga.ī hai raat

har tīrgī meñ tū ne utārī hai raushnī
ab ḳhud utar ke aa ki siyah-tar hai kā.enāt

kuchh ā.īne se rakkhe hue haiñ sar-e-vajūd
aur in meñ apnā jashn manātī hai merī zaat

bole nahīñ vo harf jo īmān meñ na the
likkhī nahīñ vo baat jo apnī nahīñ thī baat

ab to firaq-e-subh mein bujhne lagi hayat
bar-e-ilah kitne pahar rah gai hai raat

har tirgi mein tu ne utari hai raushni
ab KHud utar ke aa ki siyah-tar hai kaenat

kuchh aaine se rakkhe hue hain sar-e-wajud
aur in mein apna jashn manati hai meri zat

bole nahin wo harf jo iman mein na the
likkhi nahin wo baat jo apni nahin thi baat

Videos
This video is playing from YouTube Videos
This video is playing from YouTube Obaidullah Aleem