Subscribe to our newsletter and get our newest updates

Habab Hashmi

  • Ghazal


ab talak tund hawaon ka asar baqi hai


ab talak tund havāoñ kā asar baaqī hai
ik charāġh aur sar-e-rāhguzar baaqī hai

vo hamārī nahīñ suntā to gila hai kaisā
ab kahāñ apnī duāoñ meñ asar baaqī hai

dil meñ baaqī haiñ faqat chand lahū ke qatre
ab mire paas yahī zād-e-safar baaqī hai

phir banā leñge usī jā pe nasheman apnā
āshiyāñ jis pe thā vo shāḳh-e-shajar baaqī hai

ma.asiyat ashk nadāmat se bhī dhul jaatī hai
mutma.in huuñ ki abhī dīda-e-tar baaqī hai

jab vo chāhe mujhe do-nīm kare aa ke 'habāb'
dast-e-qātil meñ yahī ek hunar baaqī hai

ab talak tund hawaon ka asar baqi hai
ek charagh aur sar-e-rahguzar baqi hai

wo hamari nahin sunta to gila hai kaisa
ab kahan apni duaon mein asar baqi hai

dil mein baqi hain faqat chand lahu ke qatre
ab mere pas yahi zad-e-safar baqi hai

phir bana lenge usi ja pe nasheman apna
aashiyan jis pe tha wo shaKH-e-shajar baqi hai

masiyat ashk nadamat se bhi dhul jati hai
mutmain hun ki abhi dida-e-tar baqi hai

jab wo chahe mujhe do-nim kare aa ke 'habab'
dast-e-qatil mein yahi ek hunar baqi hai


Source: Book : Intekhab Kalam (Pg. 61)

Leave a comment

+