Subscribe to our newsletter and get our newest updates

Madhu Gupta

  • Ghazal


bahar rah ya ghar mein rah


bāhar rah yā ghar meñ rah
mere dil-banjar meñ rah

sahrā jañgal meñ mat jā
niiñd mire bistar meñ rah

manzil manzil dhokā hai
mere paañv safar meñ rah

bāhar jitnā ghuum ke aa
kuchh apne andar meñ rah

had se bāhar paañv na de
apnī hī chādar meñ rah

apnā jiinā marnā kyā
qātil mere ḳhabar meñ rah

jaise din jo mausam ho
tū har vaqt nazar meñ rah

bahar rah ya ghar mein rah
mere dil-banjar mein rah

sahra jangal mein mat ja
nind mere bistar mein rah

manzil manzil dhoka hai
mere panw safar mein rah

bahar jitna ghum ke aa
kuchh apne andar mein rah

had se bahar panw na de
apni hi chadar mein rah

apna jina marna kya
qatil mere KHabar mein rah

jaise din jo mausam ho
tu har waqt nazar mein rah


Leave a comment

+