vaqt kā silsila nahīñ ruktā
laakh roko zarā nahīñ ruktā
ye zamīñ hai ḳhudāoñ kā madfan
ādam-e-kaj-adā nahīñ ruktā
ishq vo chaar sū safar hai jahāñ
koī bhī rāsta nahīñ ruktā
raftagāñ ā.īna dikhātā hai
kuchh bhī ho irtiqā nahīñ ruktā
waqt ka silsila nahin rukta
lakh roko zara nahin rukta
ye zamin hai KHudaon ka madfan
aadam-e-kaj-ada nahin rukta
ishq wo chaar su safar hai jahan
koi bhi rasta nahin rukta
raftagan aaina dikhata hai
kuchh bhi ho irtiqa nahin rukta
Leave a comment