ḳhushī milī na agar mujh ko zauq-e-ġham to milā
milī na daulat-e-duniyā mujhe qalam to milā

ḳhushī meñ ḳhush huuñ to ġham meñ bhī muskurātā huuñ
ki mujh ko zarf-e-pazīrā.ī-e-alam to milā

nahīñ hai kam kisī jamshed se mirī taqdīr
ba-shakl-e-qalb mujhe ek jām-e-jam to milā

ġhalat hai umr kaTī merī saarī kulfat meñ
sukūn zer-e-samā mujh ko ek-dam to milā

ye zindagī ke kaḌe kos kis tarah kaTte
ḳhushā-nasīb ki ik ham-safar sanam to milā

nahīñ hai manzil-e-maqsūd ab ziyāda duur
sambhāl ḳhud ko qadam se mire qadam to milā

na kyuuñ ho apne muqaddar pe naaz mujh ko 'sa.īd'
ba-fazl-e-rab sharaf-e-bosa-e-haram to milā

KHushi mili na agar mujh ko zauq-e-gham to mila
mili na daulat-e-duniya mujhe qalam to mila

KHushi mein KHush hun to gham mein bhi muskuraata hun
ki mujh ko zarf-e-pazirai-e-alam to mila

nahin hai kam kisi jamshed se meri taqdir
ba-shakl-e-qalb mujhe ek jam-e-jam to mila

ghalat hai umr kaTi meri sari kulfat mein
sukun zer-e-sama mujh ko ek-dam to mila

ye zindagi ke kaDe kos kis tarah kaTte
KHusha-nasib ki ek ham-safar sanam to mila

nahin hai manzil-e-maqsud ab ziyaada dur
sambhaal KHud ko qadam se mere qadam to mila

na kyun ho apne muqaddar pe naz mujh ko 'said'
ba-fazl-e-rab sharaf-e-bosa-e-haram to mila

Source: Book : Hari Sonahri Khak (Ghazal) (Pg. 103) Author : Mahir Abdul Hayee Publication : Bazme-e-Urdu,Mau (2008) Edition : 2008