tire mizhgāñ kī faujeñ bāñdh kar saf jab huiiñ khaḌiyāñ
kiyā aalam ko saare qatl lo thiiñ har taraf paḌiyāñ

dam apne kā shumār is tarah tere ġham meñ kartā huuñ
ki jaise shīsha-e-sā.at meñ gintā hai koī ghaḌiyāñ

hamīñ ko ḳhāna-e-zanjīr se ulfat hai zindāñ meñ
vagarna ek jhaTke meñ judā ho jaa.eñ sab kaḌiyāñ

tujhe dekhā hai jab se bulbul-o-gul ne gulistāñ meñ
paḌī haiñ rishta-e-ulfat meñ un ke tab se gul-chhaḌiyāñ

fuġhāñ aatā nahīñ vo shoḳh mere haath ai 'tābāñ'
lakīreñ uñgliyoñ kī miT ga.iiñ ginte hue ghaḌiyāñ

tere mizhgan ki faujen bandh kar saf jab huin khaDiyan
kiya aalam ko sare qatl lo thin har taraf paDiyan

dam apne ka shumar is tarah tere gham mein karta hun
ki jaise shisha-e-saat mein ginta hai koi ghaDiyan

hamin ko KHana-e-zanjir se ulfat hai zindan mein
wagarna ek jhaTke mein juda ho jaen sab kaDiyan

tujhe dekha hai jab se bulbul-o-gul ne gulistan mein
paDi hain rishta-e-ulfat mein un ke tab se gul-chhaDiyan

fughan aata nahin wo shoKH mere hath ai 'taban'
lakiren ungliyon ki miT gain ginte hue ghaDiyan